3

محکمہ موسمیات کا موسم کے حوالے سے تازہ پریس ریلیز

مانسہرہ ۔ محکمہ موسمیات کا موسم کے حوالے سے تازہ پریس ریلیز دعا کریں جس انداز سے بارش برسانے والی ھوائیں پاکستان میں داخل ھو رہی ہیں۔اسی انداز سے بارش برس جائے تاکہ طویل خوشک سالی کا خاتمہ ھو اور ساتھ ساتھ فصلوں کیلئے بھی سود مند ثابت ھو۔

بدھ سے جمعہ کے دوران بالائی علاقوں میں بارش اور پہاڑوں پر برفباری کی پیشگوئی۔محکمہ موسمیات کے مطا بق مغربی ہوائیں شمالی بلوچستان کے علاقوں میں 10 جنوری (رات) سے داخل ہو رہی ہے۔ جو 11 جنوری(بدھ) کو ملک کے بالائی علاقوں پر اثر انداز ہو نگی ۔

جس کے باعث :10 (رات)اور11 جنوری کے دوران کوئٹہ، ژوب، بارکھان، زیارت، نوکنڈی، دالبندین، ہرنائی، قلعہ سیف اللہ، قلعہ عبداللہ ، چمن ،مسلم باغ اور پشین میں بارش / برفباری ۔اس دوران چند مقا مات پر تیز بارش /برفباری کا بھی امکان ۔11 سے13 جنوری کے دوران مری، گلیات ،کشمیر(وادی نیلم، مظفر آباد، پونچھ، ہٹیاں،باغ،حویلی،سدھنوتی، کوٹلی،بھمبر،میر پور)، گلگت بلتستان(دیامیر، استور، غذر، اسکردو، ہنزہ، گلگت، گا نچھے، شِگر)، چترال، دیر، سوات، مالاکنڈ، کوہستان، مانسہرہ اورایبٹ آباد میں بارش اور برفباری کا امکان۔

اس دوران چند مقا مات پر شدید برفباری کی بھی توقع۔11 اور 13جنوری کے دوران اسلام آباد، خطۂ پوٹھوہار ، چارسدہ، باجوڑ،کرم، وزیرستان ،کوہاٹ، بنوں ، کرک، پشاور، نوشہرہ، صوابی ،سرگودھا، میانوالی، خوشاب، بھکر، لیہ، فیصل آباد، ٹوبہ ٹیک سنگھ، جھنگ، گوجرانوالہ، گجرات، حافظ آباد، سیالکوٹ، نارووال، شیخوپورہ، ننکانہ صاحب، قصور، ساہیوال، اوکاڑہ اور لاہور میں ہلکی سے درمیانی بارش کی توقع۔ 11اور 12 جنوری کو مکران کے ساحلی علاقوں،ڈیرہ اسماعیل خان، ڈیرہ غازی خان، مظفر گڑھ، ملتان، خانیوال اور پاکپتن میں ہلکی بارش ہو سکتی ہے۔

ممکنہ اثرات:11 سے 13 جنوری کے دوران مری، گلیات، ناران، کاغان، دیر، سوات، کوہستام، مانسہرہ، ایبٹ آباد، شانگلہ، استور، ہنزہ، اسکردو، وادی نیلم، باغ، پونچھ اور حویلی میں شدیدبرفباری سے سڑکیں بند اور گاڑیوں کی آمد ورفت میں خلل کا امکان۔

اس دوران بالائی خیبر پختونخوا، کشمیر اور گلگت بلتستان میں لینڈ سلائیڈنگ کا خدشہ۔بارش کے دوران سیاحوں کو محتاط رہنے کی ہدایت۔اس دوران دھند کی شدت میں کمی کا امکان۔پنجاب اور خیبر پختونخوا میں بارش فصلوں کے لیے فائدہ مند ثابت ہوگی۔

بارش کے دوران اور بعد میں درجہ حرات میں نمایاں کمی کا امکان۔نوٹ: تمام متعلقہ اداروں کو اس دوران” الرٹ “رہنے کی ہدایت کی جاتی ہے۔

اس خبر پر اپنی رائے کا اظہار کریں

اپنا تبصرہ بھیجیں