27

کدی کدی گذرے ویلے تے نظر باندے آں

ہندکو تحریر اختر نعیم صاحب : کدی کدی گذرے ویلے تے نظر باندے آں تے اس ویلے مُچ ساریاں گلاں یاد آندیاں ہن۔ جنہاں بِچ سبق بی ہوندے۔
ہک اوہ ویلا بی آسا جدوں صوبہ سرحد بچ خان عبدالقیوم خان مُچ مشہور آسے ہر کوئی خان قیوم نوں خوش رخدا آسا اس واسطے کہ خان قیوم اقتدار بچ آسا۔ خان قیوم مُچ سارے سیاست دانا دی سرپرستی بی کِیتی آسی ورے اوہ ویلا بی آیا جدوں مچ سارے سنگی اس کولوں جدا ہوگئے۔ اسی طراں 1980 دی دہائی بچ اس ویلے دے صوبہ سرحد دے فوجی گورنر فضل حق سُنڑ بی مچ سارے سیاست داناں دی سرپرستی کِیتی آسی، ورے جدوں اوکھا ویلا آیا تے زیادہ تر سیاست داناں سُنڑ اس کولوں اکھیاں پھیر چھوڑیاں۔
دور نہ جُلو تازہ مثال پرویز مشرف دی اے کہ جدوں اقتدار آسا تے سارے اگے پِچھے ، ورے جدوں اقتدار تو نکلیا تے اس دا کوئی سیاسی سنگی نال نہ آسا۔
اسی طراں دیاں مچ ساریاں مثالاں ہور بی ہن۔
آخدے ہن کہ سیاست بچ کوئی کسی دا نہی ہوندا۔ سیاست دان بی چنگے ویلے بچ آپڑیں مخلص سنگیاں نوں پُہل جُلدے ہن تے فر انجام تے اسی طراں دا ہوسی۔ اسی طراں دے ہور واقعات بی ہن جیڑے کہ اساں دے سامڑے لہنگے جنہاں تے کدی کدی گل کتھ کرساں۔ اردو اخباراں بچ تے مڑے کالم وغیرہ 1979 تو شائع ہن ۔

اس خبر پر اپنی رائے کا اظہار کریں

اپنا تبصرہ بھیجیں