اے اے سی ہری پور کی دودھ اور دھی کی قیمتوں میں خود ساختہ اضافہ پر کارروائیاں، متعدد پر جرمانے، چند کو جیل بھیج دیا گیا

ہری پور . ڈپٹی کمشنر ہری پور کی خصوصی ہدایت پر ایڈیشنل اسسٹنٹ کمشنر I ہری پور محمد علی نے دودھ اور دھی کی قیمتوں میں خود ساختہ اضافہ اور ملاوٹ شدہ ڈیری پروڈکٹس کے خاتمہ کیلئے مختلف بازاروں کا دورہ کیا۔ انہوں نے مقرر کردہ قیمتوں سے زائد قیمت پر اشیاءخوردونوش فروخت کرنے پر متعدد دکانداروں کے خلاف قانونی کارروائی عمل میں لاتے ہوئے ان پر بھاری جرمانے عائد کئے جبکہ متعدد کو پولیس کے حوالہ کر دیا گیا۔

دریں اثناءہوٹلوں پر چائے، نان اور پراٹھوں کی قیمتوں میں اضافہ پر بھی بھاری جرمانے کئے گئے اور کریک شدہ برتنوں میں چیز پیش کرنے پر سختی سے منع کیا گیا۔ اس کے بعد نادرا اور پاسپورٹ آفس کا دورہ کیا اور عوام کو در پیش مشکلات کو بغور سنا اور عملہ کو ہدایات جاری کی کہ سروس کے حصول کیلئے آ ئی معزز عوام کو بنیادی سہولیات فراہم کریں اور جلد از جلد ان کو فارغ کیا جائے جس پر عملہ نے عمل درآمد کی یقین دہانی کروائی۔

پاسپورٹ آفس میں سہولیات کا فقدان دیکھ کر حکام بالا کی اطلاع یابی کروائی گئی کہ سٹاف میں اضافہ پر غور کیا جائے تاکہ لوگوں کو درپیش مشکلات میں کمی واقع ہو سکے، اس کے علاوہ لوکل روٹس کی گاڑیوں میں سواری بن کر سفر کیا اور مقرر کردہ کرائے سے زیادہ وصول کرنے والے ڈرائیوروں کے خلاف کاروائی کرتے ہوئے ٹریفک پولیس کے حوالہ کیا۔ عوام اپنی مزید شکایات سے آگاہ کرتے رہیں تاکہ ان کا بروقت ازالہ کیا جا سکے۔ عوام کی طرف سے فیڈ بیک پر موصول شکایات پر ہری پور کے عوام کی سہولت کیلئے ضلعی انتظامیہ کی دستیابی ہر وقت اور عوام کی شکایات پر کاروائی بروقت پر کام جاری ہے۔