بٹگرام ۔ ڈپٹی کمشنر بٹگرام محمد عرفان اللہ محسود صاحب، کے لئے ضلع بٹگرام انتظامیہ کیجانب سے الوداعی پارٹی کا اہتمام کیا گیا۔
اس موقع پر تبدیل ہونے والے ڈپٹی کمشنر بٹگرام محمد عرفان اللہ محسود صاحب کا کہنا تھا کہ بٹگرام کی سرزمین پر انتظامی عہدے پر عرصہ ملازمت میرے کیرئیر کے حسین اور محبت سے بھرے لمحات ہیں اور میرے لیے باعث فخر ہے۔
ضلع بٹگرام کے غیور عوام کا پیار اور محبت میں عمر بھر یاد رکھوں گا۔ بطور ڈپٹی کمشنر بٹگرم/ سربراہ ضلعی ایڈمنسٹریشن ٹیم،لائن محکمہ جات کے افسروں ،ماتحت عملہ اور ضلع بھر کے عوام کی جانب سے ڈھیر ساری دعاوں کیساتھ رخصت ہونا باعث فخر ہے۔
سابقہ ڈپٹی کمشنر بٹگرام نے مزیدکہا کہ ضلع بٹگرام کے تمام آفیسرز ضلع بٹگرام کی ترقی و خوشحالی کے لئے دن رات میرے ساتھ قدم بقدم چلے، اور ضلع بٹگرام میں عوام علاقہ کے لئے اچھے اقدامات کرتے رہے، اور ان تمام آفیسرز کے ساتھ بہت اچھا وقت گزرا جو یادگار رہے گا۔
اسی طرح نئے تعینات ہونے والے ڈپٹی کمشنر کو ویلکم کہتا ہوں اور امید کرتا ہوں کہ آنے والے وقت میں بٹگرام کی ترقی و خوشحالی کے لئے بہترین کام کریگا،
تقریب کے اختتام پر ایڈیشنل ڈپٹی کمشنر ز، اسسٹنٹ کمشنرز اور سٹاف کی جانب سے تبدیل ہونے والے سابقہ ڈپٹی کمشنر بٹگرام کو اعزازی شیلڈز اور تحائف پیش کر کے ان کو نیک خواہشات کیساتھ جلوس کی شکل میں براستہ سی پیک الوداع کیا گیا۔
