ہریپور . نو تعینات ڈسٹرکٹ پولیس آفیسر ہری پور نے اپنے عہدے کا چارج سنبھال لیا۔نو تعینات ڈسٹرکٹ پولیس آفیسر محمد عمر خان نے اپنے عہدے کا چارج سنبھال لیا۔آمد پر ہری پور پولیس کے چاق و چوبند دستے نے سلامی پیش کی ۔
تھانہ سٹی , پولیس لائن اور MT کا وزٹ کیا اور جملہ انچارج شعبہ جات سے ملاقات کی۔بعد ازاں سرکل ایس ڈی پی اوز و ایس ایچ اوز کے ساتھ کرائم میٹنگ کی ۔میٹنگ میں ایس پی انوسٹی گیشن محمد سلیمان بھی موجود تھے۔ نو تعینات ڈسٹرکٹ پولیس آفیسر ہری پور نے ضلع بھر کے مجموعی کرائم کا تفصیلی جائزہ لیا۔
نو تعینات ڈسٹرکٹ پولیس آفیسر ہری پور نے افسران پولیس سے مخاطب ہوتے ہوئے کہا کہ بحیثیت پولیس فورس ضلع بھر سے جرائم کے خاتمے کے لئے افسران پولیس ٹیم ورک کے طور پر کام کریں۔ عوام کے جان و مال کا تحفظ اور پرامن فضا کو برقرار رکھنا ہم سب کے فرائض کا حصہ ہے۔ عوامی شکایات کا بروقت ازالہ یقینی بنائیں۔
سرکل افسران اپنے سرکل میں جرائم میں ملوث ملزمان و مجرمان اشتہاریوں کی گرفتاریوں کے لئے ہنگامی بنیادوں پر آپریشنز کا انعقاد کریں اور تمام کاروائیوں کی بذات خود نگرانی کریں۔ تاکہ جرائم کی شرح میں واضع کمی لائی جا سکے۔ منشیات فروشوں، سود خوروں، قبضہ مافیا اور دیگر اخلاقی جرائم میں ملوث افراد کے خلاف قانون کے تحت سخت ایکشن لیں۔
اپنے تھانہ کی حدود مشکوک افراد پر کہٹری نظر رکھنے کے ساتھ ساتھ نیشنل ایکشن پلان پر عملدرآمد کو یقینی بناتے ہوئے غیرقانونی طور پر رہائش پذیر کرایہ داران، اہم مقامات کی سیکورٹی انتظامات اور لاؤڈ سپیکر ایکٹ کی خلاف ورزیوں پر قانون کاروائیاں کریں. گشتوں، سنیپ چیکنگ و سرچ آپریشن کو مزید فعال بنائیں. موجودہ حالات کے پیش نظر تمام پولیس افسر اور جوان اپنی حفاظت کے لیے بلٹ پروف جیکٹ ہیلمٹ کے استعمال کو یقینی بنائیں ۔
ڈیوٹی الرٹ ہو کر کریں تاکہ کوئی ناخوشگوار واقع رونما ہونے سے بچا جا سکے۔ٹریفک روانی کو مذید بہتر بنایا جائے۔ون ویلنگ ،کمسن ڈرائیورز ،کالے شیشوں ،پولیس لائٹس کے خلاف بلا تفریق کاروائیاں عمل میں لائی جائیں ۔
