ایبٹ آباد۔ ڈپٹی کمشنر ایبٹ آباد خالد اقبال ڈسٹرکٹ سٹیرنگ کمیٹی آئی ایم یو ہیلتھ کے اجلاس کی صدارت کر رہے ہیں۔
محکمہ صحت کی بہتری اور شہریوں کو صحت کی بہتر سہولیات کی فراہمی ضلعی انتظامیہ کی اولین ترجیح ہے۔ ڈپٹی کمشنر
تمام آر ایچ سی، بی ایچ یوز، ڈی ایچ کیوزمیں عملے کی حاضری یقینی بنائی جائے۔ ڈپٹی کمشنر
انتظامیہ کے افسران، ایریا مجسٹریٹس، آئی ایم یو کے ہمراہ بنیادی مرکز صحت کی مانیٹرنگ اور غیر حاضر ڈاکٹرز و سٹاف کی رپورٹنگ اور کاروائی یقینی بنائیں۔ ڈپٹی کمشنر
آر ایچ سی، بی ایچ یو، سول ڈسپنسریوں میں سٹاف کی فراہمی کو بہتر بناتے ہوئے شہریوں کو بہتر سہولیات کی فراہمی یقینی بنائی جائے۔ ڈپٹی کمشنر
صحت کے شعبے کی بہتری اور لوگوں کو صحت کی بہتر سہولیات کی فراہمی ضلعی انتظامیہ کی اولین ترجیح ہے ۔ اور اس کے لیے تمام تر وسائل بروئے کار لائے جائیں گے۔ ان خیالات کا اظہار ڈپٹی کمشنر ایبٹ آباد خالد اقبال نے ڈسٹرکٹ سٹیرنگ کمیٹی کے اجلاس میں کیا۔
محکمہ صحت کی کارکردگی کے جائزے کےحوالے ڈسٹرکٹ سٹیرنگ کمیٹی (ہیلتھ) کا اجلاس ڈپٹی کمشنر ایبٹ آباد خالد اقبال کی زیر صدارت ڈپٹی کمشنر آفس ایبٹ آباد میں منعقد ہوا۔ اجلاس میں ڈویژنل مانیٹرنگ آفیسر سید صہیب شاہ کی جانب سے محکمہ صحت کی کارکردگی کے حواے سے تفصیلی بریفنگ دی گئی اور گزشتہ میٹنگ میں لیے گئے فیصلوں پر عملدرآمد کے حوالے سے بریف کیا۔
ڈپٹی کمشنر ایبٹ آباد نے بنیادی مرکز صحت سٹاف کی مکمل تعیناتی کے حوالے سےہدایات جاری کیں۔ اس کےعلاوہ تمام بنیادی مرکز صحت اور آر ایچ سی میں تمام سیٹوں پر سٹاف کی تعیناتی کے ساتھ ساتھ ادویات کی فراہمی پر زور دیا تا کہ سردی، برف باری کے دوران سیاحوں اور گلیات آنے والے سیاحوں کو صحت کو سہولیات میسر ہوں۔
ڈپٹی کمشنر ایبٹ آباد خالد اقبال نے ڈی ایچ کیو، بنیادی مرکز صحت، آر ایچ سی میں سٹاف کی تعیناتی، جنرل ڈیوٹیوں کے خاتمے اور شہریوں کو سہولیات اور بہترین میڈیکل سروسز کی فراہمی کے لیے اقدامات پر زور دیا اور امید ظاہر کی کہ محکمہ صحت کارکردگی کو بہتر بناتے ہوئے مریضوں کے لیے ہر ممکن وسائل بروئے کار لائیں۔
آئی سی یو، ڈی ایچ کیو کی بہتری، لیڈی ہیلتھ ورکر پروگرام کو موثر بنانے، تمام مراکز پر ادویات کی فراہمی، میڈیکل آفیسرز کی موجودگی، غیر حاضر سٹاف کے خلاف کاروائی، آلات کی دستیابی، بجلی کی ہمہ وقت فراہمی، انفراسٹرکچر کی بہتری کے حوالے سے ہدایت کی۔
آئی ایم یو کی جانب سے ڈی ایچ کیو ہسپتال کی بہتری، صفائی، ایکسرے پرنٹ آوٹ، ادویات اور مشینری کی فراہمی، بائیو میٹرک سسٹم کی تعیناتی، تمام ہیلتھ فسیلٹیز کو ادویات اور مشینری کی فراہمی کے حوالے سے بریفنگ دی۔بی ایچ یو مولیا، سلول بانڈی، سول ڈسپنسری ہری کھیتر، سول ڈسپنسری باندی سرالہ میں سٹاف کی تعیناتی یقینی بنائی جائے۔ ڈپٹی کمشنر
ڈپٹی کمشنر ایبٹ آباد نے پاپولیشن ڈیپارٹمنٹ کی کارکردگی کا جائزہ لیا اور پاپولیشن ڈیپارٹمنٹ کو صحت کے حوالے سے سروسز کو بہتر بنانے کے حوالے سے ہدایات جاری کیں۔
اجلاس میں ڈسٹرکٹ ہیلتھ آفیسر ڈاکٹر فیصل خانزادہ، ڈویژنل مانیٹرنگ آفیسر سید صہیب شاہ، ڈپٹی ڈی ایچ او ڈاکٹر شہزاد اقبال، ایم ایس ڈی ایچ کیو ڈاکٹر اسرار، ہیلتھ کوآرڈینیٹر ڈاکٹراشفاق، ڈاکٹر یاسر، انچارج ہیلتھ سروسز ڈی ایچ او آفس نور صبا، ڈی او پاپولیشن ایبٹ آباد اوردیگر افسران نے شرکت کی۔
