بٹگرام ۔ ڈپٹی کمشنر بٹگرام تنویر الرحمن نے ڈی ایچ کیو ہسپتال کا دورہ کیا۔اسسٹنںٹ کمشنر بٹگرام عبدالاسلام بھی ان کے ہمراہ تھے۔
ڈپٹی کمشنر بٹگرام نے ایمرجنسی ،ڈائلیسز،ڈینگی اور جنرل وارڈ سمیت مختلف دیگر وارڈز کا تفصیلی دورہ کیا اور ہسپتال میں مریضوں کو علاج معالجہ کی فراہم کردہ طبی سہولیات کا موقع پر جائزہ لیا اور مریضوں سے بات چیت کرتے ہوئے فراہم کردہ سروسز بارے دریافت کیا۔
انہوں نے ڈیوٹی پر موجود ڈاکٹرز اور پیرامیڈیکل سٹاف کو ہدایات جاری کیں کہ ہسپتال میں ہر آنے والے شخص کو بہترین طبی امداد فراہم کی جائے .
