تورغر ۔ ضلع بھر میں ڈیجیٹل مردم شماری کا آغاز۔ سخت سیکیورٹی انتظامات۔ضلع کے داخلی و خارجی راستوں پر چیکنگ۔330 پولیس اہلکار سیکورٹی ڈیوٹی پر تعینات۔ڈسٹرکٹ پولیس آفیسر تورغر بلال احمد (PSP) کی براہ راست نگرانی
ضلع بھر میں آج سے ڈیجیٹیل مردم شماری کا آغاز کر دیا گیا ہے۔ڈسٹرکٹ پولیس افیسر تورغر بلال احمد(PSP) سیکیورٹی انتظامات کی براہ راست نگرانی کر رہے ہیں۔پرامن ماحول میں مردم شماری کرنے کیلئے 330 پولیس اہلکار تعینات کر دئیے گئے ہیں۔مردم شماری کے دوران ضلع بھر کے تمام داخلی و خارجی راستوں پر ناکہ بندیاں جاری ہیں۔
ڈسٹرکٹ پولیس افیسر نے پولیس افسران و جوانوں کو ہدایات جاری کرتے ہوئے کہا کہ ایس ایچ اوز اور ایس ڈی پی اوز اور انچارج چوکیات اپنے علاقہ اختیار میں مردم شماری کے دوران جوانوں کی نگرانی کریں تاکہ ڈیوٹی میں کسی قسم کی کوتاہی نہ ہو ۔
تمام جوان اپنی ڈیوٹی انتہائی خوش اسلوبی اور ایماندری سے سر انجام دیں تاکہ کوئی ناخوشگوار واقعہ رونما نہ ہو۔مردم شماری پر تعینات عملے اور عوام کے ساتھ ہر ممکن تعاون اور دوستانہ ماحول استوار رکھیں.
