ضلعی انتظامیہ مانسہرہ کی جانب سے مارکیٹ میں آٹے کی دستیابی اور قیمتوں پر نظر رکھنے کے لیے کارروائیاں جاری ہیں۔ صوبائی حکومت کی ہدایت پر ڈپٹی کمشنر مانسہرہ کے حکم کے مطابق ایڈیشنل اسسٹنٹ کمشنر ٹو نے گندم اور آٹے کے ہول سیل ڈیلرز کا معائنہ کیا۔
معائنے کے دوران گوداموں میں موجود سٹاک، نرخ نامے، فروخت کے رجسٹرز اور دیگر ریکارڈ کی جانچ پڑتال کی گئی۔ اس موقع پر یہ بات سامنے آئی کہ آٹا مناسب مقدار میں موجود ہے اور زیادہ تر دکاندار سرکاری نرخوں پر ہی فروخت کر رہے ہیں۔
انتظامیہ نے ڈیلرز کو واضح ہدایت دی کہ آٹے کی بلا تعطل فراہمی یقینی بنائی جائے اور اگر کسی جانب سے سرکاری قیمتوں کی خلاف ورزی کی گئی تو اس کے خلاف سخت قانونی کارروائی کی جائے گی۔
