مانسہرہ: تھانہ سٹی اور تھانہ صدر کی حدود میں پوائنٹ پر شہریوں سے موبائل فون چھیننے کی متعدد وارداتوں میں ملوث ملزم کو پولیس نے گرفتار کر لیا۔ گزشتہ چند دنوں کے دوران ایسے چار واقعات رپورٹ ہوئے، جن میں ایک مقدمہ تھانہ صدر اور دو مقدمات تھانہ سٹی میں درج تھے۔
ڈی پی او مانسہرہ شفیع اللہ گنڈا پور کی ہدایت پر پولیس ٹیم نے جدید ٹیکنیکل ذرائع اور پیشہ ورانہ مہارت کا استعمال کرتے ہوئے ملزم عبدالوہاب ولد قاری طاہر، ساکن چٹہ بٹہ، کو گرفتار کر کے اس کے قبضے سے متاثرہ شہریوں کے چھینے گئے موبائل فون برآمد کر لیے۔ پولیس کے مطابق ملزم کے دیگر سہولت کاروں اور ساتھیوں کی گرفتاری کے لیے چھاپے مارے جا رہے ہیں اور مزید تفتیش جاری ہے۔
