بٹگرام ضلعی انتظامیہ نے جنگلات کے تحفظ کے لیے بڑا اقدام اٹھاتے ہوئے ضلع بھر میں دفعہ 144 نافذ کر دی ہے۔ اس فیصلے کے تحت قیمتی جنگلات کی غیر قانونی کٹائی، چین سا اور آرا مشینوں کے غیر قانونی استعمال پر مکمل پابندی عائد کر دی گئی ہے۔
ڈپٹی کمشنر بٹگرام اشتیاق احمد کا کہنا ہے کہ جنگلات قومی اثاثہ ہیں اور ان کی حفاظت کے لیے ہر ممکن اقدامات کیے جائیں گے۔ انہوں نے واضح کیا کہ خلاف ورزی کرنے والوں کے خلاف سخت قانونی کارروائی عمل میں لائی جائے گی۔
