دریائے سرن میں مچھلیوں کی نئی کھیپ چھوڑ کر آبی حیات کی افزائش اور ماحولیاتی توازن کی بحالی کی جانب ایک مثبت اقدام اٹھایا گیا۔
ایڈیشنل اسسٹنٹ کمشنر ٹو مانسہرہ اور ڈسٹرکٹ ڈائریکٹر فشریز کی نگرانی میں یہ عمل انجام پایا، جس کا مقصد نہ صرف دریائی حیات کو فروغ دینا ہے بلکہ قدرتی ماحولیاتی نظام کو بھی بہتر بنانا ہے۔
محکمہ فشریز اور ضلعی انتظامیہ کے مطابق، اس منصوبے سے مقامی ماحولیاتی نظام پر خوشگوار اثرات مرتب ہوں گے اور آبی وسائل کے تحفظ کو بھی یقینی بنایا جا سکے گا۔
یہ اقدام ماحولیاتی تبدیلیوں کے تناظر میں ایک مثبت مثال قرار دیا جا رہا ہے جس کی بدولت صاف پانی، صحت مند ماحول اور آبی حیات کے تحفظ کو فروغ ملے گا۔
