گزشتہ چند دنوں سے سوشل میڈیا پر ایک پیغام تیزی سے گردش کر رہا ہے جس میں لکھا ہے:
“میں، فلاں بن فلاں، اپنی ذاتی معلومات اور تصاویر کے استعمال کی اجازت فیس بک یا میٹا کو نہیں دیتا۔ کل سے نیا قانون نافذ ہو رہا ہے، اگر آپ نے یہ پوسٹ نہ کی تو آپ کا ڈیٹا کمپنی استعمال کرے گی۔”
ماہرین کے مطابق یہ دعویٰ مکمل طور پر بے بنیاد ہے اور کئی سالوں سے وقفے وقفے سے وائرل ہوتا رہا ہے۔ حقیقت یہ ہے:
فیس بک یا میٹا کی پالیسی آپ کی پروفائل پر کچھ لکھنے سے نہیں بدلتی۔
جو شرائط آپ نے اکاؤنٹ بناتے وقت قبول کی تھیں، وہی لاگو رہیں گی۔
فیس بک کی پالیسی میں ایسا کوئی نیا “کل سے نافذ” ہونے والا قانون موجود نہیں۔
اس قسم کی پوسٹ کا کوئی قانونی اثر نہیں ہوتا۔
اپنی پرائیویسی کیسے محفوظ رکھیں؟
✅ فیس بک کی Settings میں جا کر پرائیویسی اور ڈیٹا شیئرنگ کنٹرول کریں۔
✅ ہر فارورڈ میسج بغیر تحقیق شیئر نہ کریں۔
✅ سچائی کی تصدیق کیے بغیر کسی خبر یا پیغام پر یقین نہ کریں۔
یاد رکھیں: جعلی پیغامات پر یقین کرنے سے نہ صرف آپ کا وقت ضائع ہوتا ہے، بلکہ ایسے لوگ بھی گمراہ ہو سکتے ہیں جو ان معاملات سے واقف نہیں۔
مزید معلومات کے لیے میٹا کی آفیشل ٹرمز یہاں دیکھی جا سکتی ہیں:
https://www.facebook.com/legal/terms
