مانسہرہ کے تھانہ لاری اڈہ پولیس نے خفیہ اطلاع پر فوری کارروائی کرتے ہوئے غیر قانونی اسلحہ کی بھاری مقدار برآمد کرلی۔ پولیس کے مطابق کارروائی ایس ایچ او فیصل خلیل کی قیادت میں کی گئی، جس میں ٹیم نے مخصوص مقام پر چھاپہ مارا۔
کارروائی کے دوران دو عدد رپیٹر 12 بور، 17 عدد پسٹل 30 بور اور 3800 سے زائد کارتوس برآمد ہوئے۔ پولیس کا کہنا ہے کہ ملزم پولیس کی آمد سے قبل موقع سے فرار ہوگیا، تاہم وہ جائے وقوعہ پر اسلحے سے بھرا بیگ چھوڑ گیا۔
ملزم کی شناخت امجد خان ولد دلدرم خان، سکنہ ملوکڑہ چنار اوگی کے طور پر ہوئی ہے۔ پولیس نے ملزم کے خلاف آرمز آرڈیننس کے تحت مقدمہ درج کر لیا ہے اور مزید تفتیش جاری ہے۔
