تفصیلات کے مطابق تھانہ گڑھی حبیب اللہ کی حدود میں قصاب کی دکان پر مردہ بھینس فروخت کیے جانے کی اطلاع موصول ہوئی، جس پر ایڈیشنل ایس ایچ اوتھانہ گڑھی حبیب اللہ اجمل خان بمع پولیس ٹیم فوری موقع پر پہنچے۔ موقع پر دیکھا گیا کہ ایک سوزوکی گاڑی میں مردہ بھینس ذبح کرنے کی غرض سے لائی گئی تھی۔
کارروائی کے دوران ملزمان محمد نزاکت ولد حمید اللہ قصاب، سکنہ بابر کالونی ،اجمل خان ولد فیروز خان سکنہ شانگلہ،وقاص احمد ولد سلیمان سکنہ دمکاچہ اور اعظم سکنہ بیسیان کو موقع پر گرفتار کر لیا گیا۔ ابتدائی تفتیش کے مطابق مردہ بھینس اعظم نامی شخص سے بیسیان میں لائی گئی تھی، جسے ذبح کر کے فروخت کرنے کا منصوبہ تھا۔ملزمان کے خلاف مقدمہ درج کر کے مزید تفتیش جاری ہے۔
