🚨 خیبرپختونخوا میں بارشوں نے تباہی مچا دی، 48 گھنٹوں میں 9 افراد جاں بحق، 23 زخمی.

پشاور (مانسہرہ ڈاٹ کام)
پروونشل ڈیزاسٹر مینجمنٹ اتھارٹی (PDMA) خیبرپختونخوا نے حالیہ بارشوں، آندھی اور فلش فلڈ سے ہونے والے نقصانات کی ابتدائی رپورٹ جاری کر دی ہے، جس کے مطابق گزشتہ 48 گھنٹوں کے دوران مختلف حادثات میں 9 افراد جاں بحق جبکہ 23 افراد زخمی ہوئے ہیں۔
رپورٹ کے مطابق زیادہ تر اموات چھتیں اور دیواریں گرنے کے باعث ہوئیں، جبکہ شدید بارشوں اور فلش فلڈ کے نتیجے میں 41 گھروں کو بھی نقصان پہنچا۔
پی ڈی ایم اے کے مطابق متاثرہ اضلاع میں:
خیبر
لوئر دیر
اپر دیر
مردان
شانگلہ
باجوڑ
لوئر چترال
شامل ہیں، جہاں بارشوں سے مختلف نوعیت کے حادثات پیش آئے۔
ڈی جی پی ڈی ایم اے نے تمام متعلقہ ضلعی انتظامیہ کو امدادی سرگرمیاں مزید تیز کرنے اور متاثرہ خاندانوں کو فوری امداد و ریلیف فراہم کرنے کی ہدایت جاری کر دی ہے۔
حکام نے شہریوں سے اپیل کی ہے کہ خراب موسم کے دوران غیر ضروری سفر سے گریز کریں، کمزور اور خستہ حال عمارتوں سے دور رہیں، اور کسی بھی ہنگامی صورتحال میں متعلقہ اداروں کی ہدایات پر عمل کریں۔
🤲 دعا:
اللہ تعالیٰ جاں بحق افراد کی مغفرت فرمائے، زخمیوں کو جلد صحت یاب کرے اور متاثرہ خاندانوں کو صبر و ہمت عطا فرمائے۔ آمین۔