ایبٹ آباد: ڈپٹی کمشنر ایبٹ آباد سرمد سلیم اکرم کی زیر صدارت ایوانِ تجارت حویلیاں اور پریس کلب حویلیاں کے نمائندوں کے ساتھ اہم اجلاس کا انعقاد۔
اجلاس میں شہری و تجارتی مسائل کے حل کے لیے مختلف امور زیرِ بحث آئے۔ ڈپٹی کمشنر ایبٹ آباد نے تاجر اورپریس کلب ممبران کو مسائل کے حل کے حوالے سے ٹھوس اقدامات کی یقین دہانی کرائی اور اس بات کا اعادہ کیا کہ ضلعی انتظامیہ کی جانب سے اہلیان حویلیاں کے تعاون سے مسائل کا حل اور قانون پر سختی سے عملدرآمد یقینی بناتے ہوئے شہریوں کو ریلیف کی فراہمی، سرکاری اداروں میں سروسز کو بہتر بنانے کے لیے اقدامات یقینی بنائے جائیں گے۔
ڈپٹی کمشنر ایبٹ آبادکی زیر صدارت اجلاس میں اہم امور زیر بحث آئے:
🔹 ٹائپ ڈی ہسپتال حویلیاں میں آکسیجن کی فراہمی کو یقینی بنانے کی ہدایت کی۔
🔹 ریسکیو 1122 کے لیے اضافی ایمبولینسز کی فراہمی کی تجویز زیر غور آئی
🔹 حویلیاں میں پارک کے قیام کے لیے ٹی ایم اے کو ہدایات۔
🔹 جنرل بس اسٹینڈ کے لیے نئی جگہ کے تعین کےلیے امور زیر بحث آئے۔
🔹 اشیائے خوردونوش کی قیمتوں میں استحکام کے لیے تمام پرائس کنٹرول مجسٹریٹس کو ہدایات۔
🔹 حویلیاں میں جلد کھلی کچہری کے انعقاد کی یقین دہانی۔
🔹 ریڑھی بانوں کے لیے مخصوص زونز قائم کرنے کی ہدایت۔
🔹 حیزکو کو لوڈشیڈنگ شیڈول پبلک کرنے کے احکامات۔
🔹 صفائی و ستھرائی کے نظام کو بہتر بنانے کے لیے لوکل گورنمنٹ، ٹی ایم اے اور دیگر اداروں کو ہدایات۔
🔹 ٹرانسپورٹ کرایوں کی نگرانی اور ناجائز کرایہ وصولی کے خلاف کارروائی کی ہدایت۔
🔹 مارکیٹوں میں حلال فوڈ اینڈ سیفٹی اتھارٹی کی جانب سے ممنوعہ اشیاء کی فہرست نمایاں طور پر آویزاں کرنے کا حکم۔
ڈپٹی کمشنر ایبٹ آباد نے تاجروں اور صحافی برادری کے مثبت کردار کو سراہا اور اس بات پر زور دیا کہ تمام محکمے باہمی تعاون کے ذریعے عوامی مسائل کے فوری حل کو یقینی بنائیں۔
ضلعی انتظامیہ ایبٹ آباد عوامی فلاح و بہبود، صاف ستھرے ماحول اور بہتر سروس ڈیلیوری کے لیے سرگرمِ عمل ہے۔
