📍 ایبٹ آباد: شادی کی تقریب میں خطرناک آتش بازی اور بارودی گولے لانے اور استعمال کرنے پر پولیس نے فوری کارروائی کرتے ہوئے دولہا سمیت پانچ افراد کو گرفتار کر لیا۔
ذرائع کے مطابق ملزمان شادی کی خوشی میں قانون کی خلاف ورزی کرتے ہوئے بارودی مواد کا استعمال کر رہے تھے، جس سے علاقے میں خوف و ہراس پھیل گیا اور کسی بھی ناخوشگوار واقعے کا خدشہ پیدا ہو گیا تھا۔ اطلاع ملتے ہی پولیس نے بروقت کارروائی کرتے ہوئے موقع پر چھاپہ مارا۔
👮♂️ گرفتار ملزمان میں شامل ہیں:
محبوب الرحمان ولد عبدالقیوم سکنہ اپر ملکپورہ (دولہا)
سید عثمان ولد سید عنایت اللہ سکنہ کراچی
عبداللہ ولد شبیر سکنہ اپر ملکپورہ
شعیب احمد ولد عبدالخالق سکنہ اپر ملکپورہ
مزمل ولد صفدر خان سکنہ چھاڑی محلہ اپر ملکپورہ
💣 برآمدگی:
پولیس نے ملزمان کے قبضے سے 16 عدد بارودی گولے اور 4 عدد ہوائیاں بھی برآمد کر لیں، جو کسی بڑے حادثے کا سبب بن سکتی تھیں۔
⚖️ قانونی کارروائی:
ملزمان کے خلاف مقدمہ علت نمبر 352 مورخہ 29 مارچ 2026 کو درج کر کے ان کے خلاف دفعہ 3/4 فائر آرمز ایکٹ اور 15AA-KPK کے تحت مزید تفتیش شروع کر دی گئی ہے۔
پولیس حکام کا کہنا ہے کہ عوام کی جان و مال کے تحفظ کو یقینی بنانے کے لیے ایسے غیر قانونی اور خطرناک اقدامات کے خلاف بلا امتیاز کارروائیاں جاری رہیں گی۔
📢 عوام سے اپیل:
شادی اور دیگر تقریبات میں ہوائی فائرنگ اور بارودی مواد کے استعمال سے گریز کریں اور قانون کا احترام کریں تاکہ کسی بھی جانی یا مالی نقصان سے بچا جا سکے۔
#
