ہری پور : این اے 18 ہری پور کے ضمنی انتخابات میں گزشتہ روز کاغذاتِ نامزدگی جمع کروانے کی آخری تاریخ تھی، مقررہ وقت تک کل 14 امیدواروں نے اپنے کاغذات جمع کروائے۔
الیکشن کمیشن آف پاکستان کے فارم 31 کے مطابق امیدواروں میں ارم فاطمہ دختر ظہیر احمد ترک، اسد عثمان ولد محمود حسّان، بابر نواز خان ولد اختر نواز خان، خورشید انور خان ولد رزمک خان، رستم خان ولد محمد اشرف، سردار محمد مشتاق خان ولد سردار محمد اشرف خان، سردار عبدالرؤف خان ولد سردار عبدالصمد خان، سید علی زوار حسین نقوی ولد سید امتیاز حسین شاہ، سید محمد صابر شاہ ولد سید محمد طیب شاہ، شہرنار عمر ایوب زوجہ عمر ایوب خان، عبدالرشید ولد اورنگزیب، عبدالشکور ولد محمد علی، محمد حامد شاہ ولد محمد طاہر شاہ اور محمد سرور ولد منیر احمد شامل ہیں۔
یہ فہرست ریٹرننگ آفیسر نویدالرحمن کی دستخط شدہ ہے اور باضابطہ طور پر ڈی ای سی آفس ہری پور سے مورخہ 18 اکتوبر 2025 کو جاری کی گئی۔
