لاہور: پاکستان تحریکِ انصاف (پی ٹی آئی) کے رہنما چوہدری عبداللہ طاہر لاہور کے علاقے گلبرگ میں نامعلوم موٹر سائیکل سواروں کی فائرنگ کے نتیجے میں جاں بحق ہوگئے۔
ابتدائی اطلاعات کے مطابق نامعلوم حملہ آوروں نے چوہدری عبداللہ طاہر پر فائرنگ کی، جس سے وہ شدید زخمی ہوگئے۔ انہیں فوری طور پر اسپتال منتقل کیا گیا، تاہم وہ دورانِ علاج زخموں کی تاب نہ لاتے ہوئے دم توڑ گئے۔
واقعے کے بعد پولیس نے جائے وقوعہ سے شواہد اکٹھے کر لیے ہیں اور حملہ آوروں کی تلاش کے لیے تحقیقات کا آغاز کر دیا ہے۔ حملے کی وجوہات فوری طور پر سامنے نہیں آ سکیں۔
مزید تفصیلات اور پولیس کی تحقیقات کا انتظار کیا جا رہا ہے۔
