چیئرمین صوبہ ہزارہ تحریک سردار محمد یوسف کی قیادت میں اسلام آباد میں تحریک کی سپریم کونسل کا اہم اجلاس ہوا۔ اس اجلاس میں تنظیمی امور، مستقبل کی حکمت عملی اور صوبہ ہزارہ کے قیام کے مختلف پہلوؤں پر تفصیلی تبادلہ خیال کیا گیا۔ شرکاء نے صوبہ ہزارہ تحریک کے مقاصد کے حصول کے لیے مشترکہ کوششیں جاری رکھنے کا عزم کیا۔ انہوں نے عوامی سطح پر آگاہی مہم کو مزید مؤثر بنانے پر بھی اتفاق کیا۔ اجلاس کے دوران تنظیمی ڈھانچے کو مضبوط کرنے، رابطہ مہم کو تیز کرنے اور آئندہ کے لائحہ عمل کو حتمی شکل دینے کے بارے میں اہم فیصلے کیے گئے۔
