🏥 ڈسٹرکٹ جیل مانسہرہ میں حوالاتی جاں بحق — دل کا دورہ جان لیوا ثابت

مانسہرہ: ڈسٹرکٹ جیل مانسہرہ میں ایک افسوسناک واقعہ پیش آیا جہاں حوالاتی قیدی بوستان ولد عطا محمد دل کا دورہ پڑنے کے باعث جاں بحق ہو گیا۔
📌 واقعے کی تفصیلات:
زرائع کے مطابق بوستان کا تعلق سیری کماشی، سچاں کلاں سے تھا اور وہ ایک جھگڑے کے مقدمے میں جیل میں بند تھا۔
یہ مقدمہ 2 مارچ کو ایک جنازے کے دوران ہونے والے تصادم کے بعد درج کیا گیا تھا، جہاں دو گروپوں کے درمیان جھگڑا ہوا جس میں صادق ولد اورنگزیب اور اس کا بیٹا عادل زخمی ہوئے تھے۔
⚖️ مقدمہ اور گرفتاری:
واقعے کے بعد تھانہ نواز آباد پولیس نے 4 مارچ کو مقدمہ نمبر 50 درج کیا، جس میں متعدد افراد کو نامزد کیا گیا، جن میں شامل ہیں:
صابر ولد یوسف
دلدار
نزیر
غلام حسین (پسران زین محمد)
صدیق
خالد (پسران اورنگزیب)
بوستان ولد عطا محمد
ابتدائی طور پر ملزمان نے عبوری ضمانت حاصل کر رکھی تھی، تاہم عید کے دوسرے روز ضمانت خارج ہونے پر عدالت نے تمام ملزمان کو جیل بھیج دیا۔
💔 جیل میں طبیعت بگڑنے کا واقعہ:
جیل ذرائع کے مطابق 30 اور 31 مارچ کی درمیانی شب بوستان کو اچانک دل کی شدید تکلیف ہوئی۔
اسے فوری طور پر کنگ عبداللہ ہسپتال مانسہرہ منتقل کیا گیا، مگر وہ جانبر نہ ہو سکا۔
🕊️ تدفین:
ضروری قانونی کارروائی مکمل کرنے کے بعد لاش ورثاء کے حوالے کر دی گئی۔
مقامی ذرائع کے مطابق مرحوم کی نماز جنازہ 31 مارچ (منگل) کو سیری کماشی میں ادا کی جائے گی۔
⚠️ تنازعے کی اصل وجہ:
ذرائع کے مطابق یہ تنازعہ گزشتہ سال سیری کماشی کے قدیمی قبرستان میں مبینہ طور پر سونے کی موجودگی کی افواہ سے شروع ہوا، جو وقت کے ساتھ شدت اختیار کر گیا۔
فریقین اس سے قبل بھی متعدد بار جیل جا چکے ہیں، جس سے علاقے میں کشیدگی برقرار ہے۔