📰 مانسہرہ: اوگی پولیس کی بڑی کارروائی، جیب کتروں کا گروہ گرفتار.

📍 ضلع مانسہرہ کے علاقے اوگی میں پولیس نے بروقت کارروائی کرتے ہوئے جیب کتروں کے ایک گروہ کو گرفتار کر لیا۔ گرفتار ملزمان کا تعلق ضلع صوابی سے بتایا جاتا ہے۔
🚔 پولیس ذرائع کے مطابق گرفتار افراد میں فلک ناز ولد احترام علی اور ارشد ولد مست الدین شامل ہیں، جو مسافر بن کر گاڑیوں میں سوار ہوتے اور موقع پا کر دیگر مسافروں کی جیبوں سے نقدی نکال لیتے تھے۔
💰 ابتدائی تفتیش کے مطابق ملزمان نے دورانِ سفر دو مسافروں کی جیبوں سے مجموعی طور پر 1 لاکھ 25 ہزار روپے نقد رقم چرا لی تھی۔
🔍 واقعہ کی اطلاع ملنے پر اوگی پولیس نے فوری کارروائی کرتے ہوئے ملزمان کو گرفتار کر لیا۔ پولیس نے ملزمان کے قبضے سے مسروقہ رقم بھی برآمد کر لی ہے اور متاثرہ افراد کو واپس کر دی گئی ہے۔
⚖️ پولیس نے ملزمان کے خلاف مقدمہ درج کر کے مزید تفتیش کا آغاز کر دیا ہے، جبکہ انکشافات کی روشنی میں مزید گرفتاریاں بھی متوقع ہیں۔
🚨 پولیس حکام نے شہریوں کو ہدایت کی ہے کہ سفر کے دوران اپنے قیمتی سامان اور نقدی کی حفاظت یقینی بنائیں اور کسی بھی مشکوک سرگرمی کی فوری اطلاع پولیس کو دیں۔