ضلعی انتظامیہ مانسہرہ نے عوام الناس اور سیاحوں کو خبردار کیا ہے کہ حالیہ برف باری کے باعث بابوسر ٹاپ ہر قسم کی ٹریفک کے لیے عارضی طور پر بند کر دیا گیا ہے۔
ترجمان ضلعی انتظامیہ کے مطابق، جو مسافر یا سیاح گلگت بلتستان کا سفر کرنا چاہتے ہیں وہ قراقرم ہائی وے (Karakoram Highway) کو بطور متبادل راستہ استعمال کریں۔ انتظامیہ نے عوام سے اپیل کی ہے کہ وہ موسم کی صورتحال کو مدنظر رکھتے ہوئے غیر ضروری سفر سے گریز کریں تاکہ کسی بھی ناخوشگوار واقعے سے بچا جا سکے۔
ضلعی انتظامیہ مانسہرہ نے اس عارضی بندش سے ہونے والی تکلیف پر معذرت کا اظہار کرتے ہوئے کہا ہے کہ شہریوں اور سیاحوں کی سہولت و رہنمائی کے لیے انتظامیہ ہر وقت دستیاب ہے۔
