ہری پور: الیکشن کمیشن آف پاکستان نے قومی اسمبلی کی نشست این اے-18 ہری پور کے ضمنی انتخاب کا شیڈول جاری کرتے ہوئے الیکشن کمیشن نے ڈی آر اواور آر اوز کی تعیناتی کا بھی نوٹیفکیشن بھی جاری کر دیا ہے۔جاری نوٹیفکیشن کے مطابق ذیشان خان کو ڈسٹرکٹ ریٹرننگ آفیسر، جبکہ نوید الرحمٰن کو ریٹرننگ آفیسر اور شاہد خٹک اور مشتاق احمد کو اسسٹنٹ ریٹرننگ آفیسرز تعینات کیا گیا۔
پبلک نوٹس ریٹرننگ آفسر کی جانب سے ۱3 اکتوبر 2025کو جاری کیا جائیگا اور کاغذات نامزدگی جمع کروانے کا سلسلہ 15سے 17 اکتوبر 2025 تک جاری رہے گا۔
انتخابی شیڈول کے مطابق 18 اکتوبر2025 کو کاغذات نامزدگی جمع کرانیوالے امیدواروں کی فہرست جاری کی جائیگی،جبکہ کاغذات نامزدگیوں کی جانچ پڑتال 22 اکتوبر2025 تک ہوگی۔
ترجمان صوبائی الیکشن کمشنر، خیبرپختونخوا کے مطابق یٹرننگ آفیسر کی جانب سے نامزدگی فارم منظور یا مسترد کیے جانے کے فیصلوں کے خلاف اپیل دائر کرنے کی آخری تاریخ 27 اکتوبر 2025 مقرر کی گئی ہے۔اپیلیٹ ٹریبونل کی جانب سے اپیلوں کے فیصلے کرنے کی آخری تاریخ 3 نومبر 2025 مقرر کی گئی ہے۔امیدواروں کی نظرِثانی شدہ فہرست کی اشاعت کی تاریخ 4 نومبر 2025 کو ہوگی۔
امیدواروں کے کاغذاتِ نامزدگی واپس لینے اور نظرِثانی شدہ فہرست شائع کرنے کی آخری تاریخ 5 نومبر 2025مقرر کی گئی ہے۔6نومبر 2025 کو امیدواروں کو انتخابی نشانات الاٹ کئے جائیں گے۔ پولنگ 23 نومبر 2025کو ہوگی۔
الیکشن کمیشن آف پاکستان کی جانب سے جاری ضابطہ اخلاق کے مطابق ان اضلاع میں سرکاری ملازمین کی تقریوں اور تبادلوں پر پابندی عائدکی گئی ہے۔
