مانسہرہ : ڈسٹرکٹ ایمرجنسی آفیسر مانسہرہ ابرار علی کی ہدایت پر آن کال ڈیوٹی آفیسر ولید خان نے ریسکیو ۱۱۲۲ کنٹرول روم اور ریسکیو اسٹیشن 11 کا دورہ کیا۔
اس موقع پر انہوں نے ریسکیو وہیکلز کے ریکارڈ، اسٹاف کی حاضری اور آلات کی دستیابی کا تفصیلی جائزہ لیا۔
انہوں نے اسٹیشن کے مجموعی انتظامی امور، صفائی اور آپریشنل تیاری پر اطمینان کا اظہار کیا۔
اس موقع پر ڈیوٹی آفیسر نے اسٹاف کو ہدایت کی کہ وہ اپنے فرائض کو مزید ذمہ داری، نظم و ضبط اور پیشہ ورانہ مہارت کے ساتھ انجام دیں تاکہ عوام کو بروقت اور معیاری ریسکیو سروس فراہم کی جا سکے۔
انہوں نے ریسکیو کے کام کو مزید موثر بنانے کے لیے چند بہتری کی تجاویز بھی پیش کیں۔
