ایبٹ آباد: سکندرآباد پولیس کی کارروائی، منشیات فروش اسلحہ سمیت گرفتار.

ایبٹ آباد کے علاقے تھانہ سکندرآباد کی پولیس نے رائیڈرز کے ہمراہ کارروائی کرتے ہوئے منشیات فروش کو گرفتار کر لیا۔
پولیس کے مطابق گرفتار ملزم کی شناخت عدنان ولد پرویز اختر سکنہ سر سید کالونی منڈیاں کے طور پر ہوئی ہے۔ کارروائی کے دوران ملزم کے قبضے سے 1 کلو 456 گرام چرس اور ایک عدد پسٹل 30 بور برآمد کیا گیا۔
ترجمان پولیس کے مطابق ملزم کے خلاف تھانہ سکندرآباد میں مقدمہ درج کر لیا گیا ہے، جو دفعات 15AA KPK اور 9(1)3(C) CNSA کے تحت درج کیا گیا ہے۔
پولیس کا کہنا ہے کہ ملزم سے مزید تفتیش جاری ہے جبکہ منشیات فروشوں کے خلاف کارروائیاں آئندہ بھی بلا تعطل جاری رہیں گی۔
اہم نکات:
سکندرآباد پولیس کی کامیاب کارروائی
منشیات فروش گرفتار
1 کلو 456 گرام چرس برآمد
پسٹل 30 بور بھی برآمد
مقدمہ درج، مزید تفتیش جاری