🚨 چلاس: تھور نالے میں پولیس پر دہشت گردوں کا حملہ، 3 اہلکار شہید، ڈی ایس پی سمیت 4 زخمی 🚨

چلاس کے نواحی علاقے تھور نالے میں افیون (منشیات) تلف کرنے کے لیے موجود پولیس ٹیم پر نامعلوم دہشت گردوں نے اچانک فائرنگ کر دی۔ واقعہ اس وقت پیش آیا جب پولیس اہلکار کارروائی میں مصروف تھے۔
ابتدائی اطلاعات کے مطابق حملے کے نتیجے میں 3 پولیس سپاہی موقع پر ہی شہید ہو گئے، جبکہ ڈی ایس پی سمیت 4 اہلکار شدید زخمی ہوئے ہیں۔ زخمیوں کو فوری طور پر قریبی اسپتال منتقل کر دیا گیا ہے جہاں انہیں طبی امداد فراہم کی جا رہی ہے۔
واقعے کے بعد علاقے میں سیکیورٹی ہائی الرٹ کر دی گئی ہے اور پولیس کی بھاری نفری موقع پر پہنچ کر سرچ آپریشن شروع کر دیا گیا ہے۔ حملہ آوروں کی تلاش جاری ہے جبکہ علاقے کو گھیرے میں لے لیا گیا ہے۔
پولیس حکام کا کہنا ہے کہ واقعے کی مکمل تحقیقات شروع کر دی گئی ہیں اور جلد ذمہ داران کو قانون کے کٹہرے میں لایا جائے گا۔
مزید تفصیلات کا انتظار ہے۔