مانسہرہ میں پیٹرول بحران، متعدد پمپ بند، شہری رُل گئے.

مانسہرہ میں پیٹرول بحران شدت اختیار کر گیا — متعدد پمپ بند، شہری شدید مشکلات کا شکار
مانسہرہ: شہر بھر میں پیٹرول کی قلت کے باعث مختلف پیٹرول پمپوں پر لمبی قطاریں لگ گئیں جبکہ کئی پمپ مکمل طور پر بند ہو گئے ہیں۔ شہریوں کو شدید پریشانی کا سامنا ہے اور ٹریفک کی روانی بھی متاثر ہو رہی ہے۔
تفصیلات کے مطابق پیٹرول کی سپلائی میں تعطل کے باعث متعدد پمپوں نے عارضی طور پر سروس بند کر دی ہے، جبکہ کھلے پمپوں پر گاڑیوں اور موٹر سائیکلوں کی طویل قطاریں دیکھنے میں آ رہی ہیں۔ شہری گھنٹوں انتظار کرنے پر مجبور ہیں، جس سے نہ صرف وقت کا ضیاع ہو رہا ہے بلکہ روزمرہ معمولات بھی بری طرح متاثر ہو رہے ہیں۔
عوامی حلقوں کا کہنا ہے کہ انتظامیہ کو فوری نوٹس لیتے ہوئے پیٹرول کی فراہمی یقینی بنانی چاہیے تاکہ شہریوں کو درپیش مشکلات کا ازالہ ہو سکے۔ دوسری جانب ضلعی انتظامیہ کا مؤقف ہے کہ صورتحال کو کنٹرول کرنے کے لیے اقدامات کیے جا رہے ہیں اور جلد بہتری کی توقع ہے۔