🚨 کالام میں سیاحوں کو روکنے کا واقعہ — فوری ایکشن، مقدمہ درج.

📍 کالام میں سیاحوں کا راستہ روکنے کے واقعے پر ضلعی انتظامیہ نے فوری نوٹس لیتے ہوئے قانونی کارروائی شروع کر دی ہے۔
👨‍💼 ڈپٹی کمشنر سوات سلیم جان مروت کی ہدایات پر ضلعی انتظامیہ نے، ڈسٹرکٹ پولیس آفیسر سوات کے تعاون سے، واقعے میں ملوث افراد کے خلاف متعلقہ دفعات کے تحت مقدمہ درج کر لیا ہے۔
⚠️ ابتدائی رپورٹ کے مطابق چند افراد نے سیاحوں کو روکنے، انہیں ہراساں کرنے اور علاقے میں خوف و ہراس پھیلانے کی کوشش کی، جس پر فوری کارروائی عمل میں لائی گئی۔
🛑 ضلعی انتظامیہ سوات نے واضح کیا ہے کہ سیاحوں کی حفاظت حکومت خیبرپختونخوا کی اولین ترجیح ہے اور کسی بھی شخص یا گروہ کو قانون ہاتھ میں لینے یا سیاحوں کی نقل و حرکت میں رکاوٹ ڈالنے کی ہرگز اجازت نہیں دی جائے گی۔
⚖️ حکام کا کہنا ہے کہ ایسے عناصر کے خلاف سخت قانونی کارروائی جاری رکھی جائے گی تاکہ سیاحت کے ماحول کو محفوظ اور پرامن رکھا جا سکے۔
🏞️ انتظامیہ نے یہ بھی واضح کیا ہے کہ کالام، مہوڈنڈ جھیل اور دیگر سیاحتی مقامات پر کسی قسم کی پابندی عائد نہیں کی گئی۔ سیاح بلاخوف و خطر اپنی ذاتی گاڑیوں یا مقامی ڈرائیورز کے ساتھ سفر جاری رکھ سکتے ہیں۔
📢 مزید کہا گیا ہے کہ کسی بھی فرد کو یہ اختیار حاصل نہیں کہ وہ غیر قانونی طور پر سیاحوں کو روکے یا ان سے بدسلوکی کرے۔
📞 ضلعی انتظامیہ اور پولیس نے عوام سے اپیل کی ہے کہ کسی بھی ناخوشگوار واقعے یا شکایت کی صورت میں فوری اطلاع دیں تاکہ بروقت کارروائی کو یقینی بنایا جا سکے۔
🤝 حکام کے مطابق سیاحت کے فروغ اور سیاحوں کو محفوظ ماحول فراہم کرنے کے لیے مستقبل میں بھی مؤثر اقدامات جاری رکھے جائیں گے۔