مانسہرہ: انچارج چوکی جناح آباد سردار شکیل کی سربراہی میں پولیس نے کارروائی کرتے ہوئے سوشل میڈیا پر اسلحہ کی نمائش کرنے والے ملزم کو گرفتار کر لیا۔
پولیس کے مطابق ملزم وقاص ولد خواج محمد سکنہ پھلڑا مانسہرہ، حال پھل گلاب روڈ منڈیاں، سوشل میڈیا پر اسلحہ لہراتے ہوئے ویڈیوز اپ لوڈ کر رہا تھا، جس کی اطلاع ملنے پر پولیس نے فوری کارروائی کرتے ہوئے اسے گرفتار کر لیا۔
گرفتاری کے دوران ملزم کے قبضے سے اسلحہ بھی برآمد کر لیا گیا۔ پولیس نے ملزم کے خلاف امتناعِ اسلحہ آرڈیننس کے تحت مقدمہ درج کرکے مزید تفتیش کا آغاز کر دیا ہے۔
پولیس حکام کا کہنا ہے کہ سوشل میڈیا پر اسلحہ کی نمائش، قانون شکنی اور معاشرے میں خوف و ہراس پھیلانے کا باعث بنتی ہے، ایسے عناصر کے خلاف بلا امتیاز کارروائیاں جاری رہیں گی۔
