مانسہرہ کے علاقے تھانہ لاری اڈہ کی حدود میں پولیس نے منشیات کے خلاف کارروائی کرتے ہوئے ایک مبینہ منشیات فروش کو گرفتار کر لیا۔
پولیس کے مطابق کارروائی ایس ایچ او ثاقب فراز نے اپنی ٹیم کے ہمراہ کی، جس دوران ایک مشتبہ شخص کو حراست میں لیا گیا۔ گرفتار ملزم کی شناخت خانگیر ولد عبدالشکور، سکنہ کوہستان کالونی مانسہرہ کے طور پر ہوئی ہے۔
پولیس کا کہنا ہے کہ ملزم کے قبضے سے آئس اور ہیروئن برآمد ہوئی ہے، جسے قبضے میں لے کر مزید قانونی کارروائی شروع کر دی گئی ہے۔ ابتدائی تفتیش کا عمل جاری ہے جبکہ نیٹ ورک اور دیگر ممکنہ سہولت کاروں کی تلاش بھی کی جا رہی ہے۔
پولیس حکام کے مطابق منشیات کے کاروبار میں ملوث عناصر کے خلاف کارروائیاں بلا تعطل جاری رہیں گی اور ایسے عناصر کو قانون کے کٹہرے میں لایا جائے گا۔
