ڈی پی او مانسہرہ کا چائنیز کیمپ سکی کناری ہائیڈرو پاور پراجیکٹ کا دورہ

*ڈی پی او مانسہرہ کا چائنیز کیمپ سکی کناری ہائیڈرو پاور پراجیکٹ کا دورہ*
*چائینز عہدیدان نے ڈی پی او مانسہرہ کو پراجیکٹ کے حوالے سے بریفنگ دی ،چائینز کوتحفظ فراہم کرنا حکومت پاکستان اور مانسہرہ پولیس کی اولین ترجیح ہے۔ڈی پی او مانسہرہ محمد اظہر خان*
مانسہرہ (-) ڈی پی او مانسہرہ محمد اظہر خان کا ملکنڈی سکی کناری ہائیڈرو پاور پراجیکٹ کے چائینز کیمپ کا دورہ۔ آرمی افسران اور چائینی عہدیداران سے ملاقات سیکیورٹی و دیگر اہم امور پر تبادلہ خیال کیا۔
ڈی پی او مانسہرہ نے چائینز عہدیداران سے بات چیت کرتے ہوئے کہا کہ سکی کناری ہائیڈرو پاور پراجیکٹ پاکستان کی تعمیر و ترقی میں اہمیت کا حامل ہے جس سے پاکستان میں توانائی کی ضروریات کو پورا کرنے میں معاون ثابت ہوگا۔ پاکستان کی ترقی میں دوست ملک چین کا کردار قابل ستائش اور قابل قدر ہے۔ پاکستان میں مقیم چائینز کوتحفظ فراہم کرنا حکومت پاکستان اور مانسہرہ پولیس کی اولین ترجیح ہے جس میں کسی قسم کی کوئی کوتاہی نہیں کی جائے گی۔ڈی پی او مانسہرہ نے پولیس افسران کو ہدایت دی کہ چائنیز کی سیکیورٹی کو مزید موثر اور بہتر بنائیں اور انکے ساتھ روابط کو مزید مستحکم بنایا جائے تاکہ کسی بھی ہنگامی صورتحال میں پولیس بروقت انکی مدد کرسکے۔ ڈی پی او مانسہرہ نے چائینز عہدیداران کو اپنے مکمل تعاون کی یقین دہانی کروائی جس پر چائینز عہدیداران نے ان کے اس اقدام کو سراہا اور مانسہرہ پولیس کی جانب سے مہیا کردہ سیکیورٹی پر مکمل اطمینان اور اعتماد کا اظہار کیا