ایبٹ آباد میں خود ساختہ مہنگائی کے خلاف کارروائی.

ایبٹ آباد میں خود ساختہ مہنگائی اور من مانے ریٹس پر اشیائے ضروریہ فروخت کرنے والوں کے خلاف سخت کارروائی کا انتباہ دیا گیا ہے۔ اسسٹنٹ کمشنر افراسیاب نے کہا ہے کہ جو بھی دکاندار مقررہ سرکاری نرخوں سے زائد قیمت پر اشیاء فروخت کرے گا وہ قانون کی گرفت سے نہیں بچ سکے گا۔
لنک روڈ کنج کہیال کے علاقے میں بھی خصوصی چیکنگ کی گئی، جہاں بازاروں اور گلی محلوں میں دکانوں کا معائنہ کیا گیا۔ اس دوران زائد قیمت وصول کرنے والے تاجروں کو سخت وارننگ دی گئی اور ہدایت کی گئی کہ سرکاری ریٹ لسٹ کو نمایاں جگہ پر آویزاں کریں اور مقررہ نرخوں پر ہی اشیاء فروخت کریں۔ انتظامیہ نے واضح کیا کہ رمضان المبارک کے دوران عوام کو ریلیف کی فراہمی کے لیے کریک ڈاؤن جاری رہے گا۔