📍 بٹگرام: صوبائی حکومت اور ڈپٹی کمشنر بٹگرام کی خصوصی ہدایات پر تحصیل میونسپل ایڈمنسٹریشن (ٹی ایم اے) بٹگرام کا سینیٹیشن عملہ بارش کے دوران متحرک ہو گیا۔ عملہ شہر کے مختلف علاقوں بالخصوص مرکزی بٹگرام بازار میں نالوں اور گٹروں کی صفائی میں مصروف ہے تاکہ برساتی پانی کی روانی کو یقینی بنایا جا سکے۔
🌧️ انتظامیہ کے مطابق حالیہ بارشوں کے پیشِ نظر ہنگامی بنیادوں پر اقدامات کیے جا رہے ہیں تاکہ کسی بھی قسم کی ممکنہ شہری مشکلات، پانی جمع ہونے اور ٹریفک کی روانی میں رکاوٹ سے بچا جا سکے۔
👷♂️ ٹی ایم اے کا عملہ نہ صرف صفائی کے عمل میں مصروف ہے بلکہ موقع پر موجود رہ کر مسلسل نگرانی بھی کر رہا ہے۔ مشینری اور افرادی قوت کو مکمل طور پر فعال رکھا گیا ہے تاکہ نکاسی آب کا نظام متاثر نہ ہو۔
⚠️ شہریوں سے بھی اپیل کی گئی ہے کہ وہ صفائی کے نظام کو بہتر رکھنے کے لیے کچرا نالوں میں پھینکنے سے گریز کریں اور انتظامیہ کے ساتھ تعاون کریں۔
🚨 بٹگرام میں بارش کے دوران نالوں کی ہنگامی صفائی — ٹی ایم اے متحرک.
17
