🚨 افسوسناک واقعہ | رکھالہ روڈ پر بارش کے باعث المناک حادثہ 🌧️

📍 ( مانسہرہ_ڈاٹ_کام ) رکھالہ روڈ پر شدید بارش کے دوران ایک افسوسناک حادثہ پیش آیا جہاں سڑک کنارے موجود درخت اچانک گر گیا۔
ذرائع کے مطابق درخت براہِ راست واپڈا کے لائن مین صدام پر آ گرا، جو موقع پر اپنی ڈیوٹی انجام دے رہے تھے۔ درخت کے نیچے دبنے کے باعث وہ موقع پر ہی جاں بحق ہو گئے۔
ریسکیو ٹیموں اور مقامی افراد نے فوری طور پر موقع پر پہنچ کر امدادی کارروائیاں شروع کیں، تاہم صدام کی جان نہ بچائی جا سکی۔
ابتدائی معلومات کے مطابق جاں بحق ہونے والے لائن مین صدام کا تعلق لورہ سے بتایا جا رہا ہے۔ واقعے کے بعد علاقے میں سوگ کی فضا قائم ہے جبکہ اہلِ علاقہ نے گہرے دکھ اور افسوس کا اظہار کیا ہے۔


حکام کی جانب سے واقعے کی مزید تحقیقات جاری ہیں اور شہریوں کو ہدایت کی گئی ہے کہ خراب موسم کے دوران غیر ضروری سفر سے گریز کریں۔
📢 اہم ہدایات:
شدید بارش اور تیز ہواؤں کے دوران کمزور درختوں اور بجلی کی تاروں سے دور رہیں تاکہ کسی بھی ناخوشگوار واقعے سے بچا جا سکے۔