مانسہرہ: تھانہ گڑھی حبیب اللہ کی حدود میں 10 سالہ بچی سے مبینہ زیادتی کی کوشش کے الزام میں پولیس نے ایک شخص کو گرفتار کرلیا۔

مانسہرہ: تھانہ گڑھی حبیب اللہ کی حدود میں 10 سالہ بچی سے مبینہ زیادتی کی کوشش کے الزام میں پولیس نے ایک شخص کو گرفتار کرلیا۔
پولیس کے مطابق درگہ کٹھہ کے رہائشی ایک شخص نے تھانہ گڑھی حبیب اللہ میں رپورٹ درج کرائی کہ اس کی 10 سالہ بہن گھر سے اشیاء خریدنے کے لیے گڑھی بازار گئی تھی۔
رپورٹ کے مطابق شام تقریباً 6:20 بجے بچی قبرستان ڈاک بنگلہ، درگہ کٹھہ کے قریب پہنچی تو ایک شخص نے مبینہ طور پر اس کا پیچھا کیا اور ہاتھ پکڑ کر اسے زبردستی قبرستان کی جانب لے جانے کی کوشش کی۔
پولیس کے مطابق ملزم نے مبینہ طور پر بچی کو مختلف طریقوں سے ورغلانے کی کوشش کی اور اسے غبارے دلانے کا لالچ بھی دیا۔ تاہم بچی نے شور مچا دیا، جس پر اس کا بھائی موقع پر پہنچ گیا۔
مدعی کی رپورٹ پر تھانہ گڑھی حبیب اللہ پولیس نے مقدمہ درج کرکے عبدالقدوس ولد گلزار نامی شخص کو گرفتار کرلیا۔ پولیس کے مطابق گرفتار ملزم کا تعلق بگل چار سے ہے۔
پولیس کا کہنا ہے کہ گرفتار ملزم سے مزید تفتیش جاری ہے جبکہ واقعے کے تمام پہلوؤں کا جائزہ لیا جا رہا ہے۔
نوٹ: واقعے سے متعلق الزامات پولیس رپورٹ کے مطابق ہیں اور معاملے کی مزید قانونی و تفتیشی کارروائی جاری ہے۔