سوات: سیدو شریف کالج کالونی میں فائرنگ، ہلاکتیں دو ہو گئیں

سوات – سیدو شریف کالج کالونی میں معمولی تنازع پر پیش آنے والے فائرنگ کے واقعے میں زخمی ہونے والا دوسرا نوجوان بھی ہسپتال میں دم توڑ گیا، جس کے بعد اس واقعے میں جاں بحق ہونے والے افراد کی تعداد دو ہو گئی ہے۔
واقعے کی تفصیلات
پولیس اور ہسپتال ذرائع کے مطابق سیدو شریف کالج کالونی میں دو فریقین کے درمیان معمولی بات پر تلخ کلامی ہوئی جو دیکھتے ہی دیکھتے شدت اختیار کر گئی اور فائرنگ کے تبادلے تک جا پہنچی۔
راہگیر بھی نشانہ بنا
فائرنگ کی اس زد میں ایک راہگیر زین العابدین آئے، جو اس تنازع کا حصہ نہیں تھے، لیکن گولیاں لگنے سے شدید زخمی ہو گئے اور ہسپتال میں دورانِ علاج جاں بحق ہو گئے۔
دوسرا ہلاک
فریقین کی اس فائرنگ میں شدید زخمی ہونے والا ایک اور نوجوان ساحل ولد فضل معبود بھی زخموں کی تاب نہ لاتے ہوئے ہسپتال میں زندگی کی بازی ہار گیا۔
پولیس کارروائی
پولیس حکام کا کہنا ہے کہ فائرنگ کرنے والے ملوث ملزمان کی گرفتاری کے لیے چھاپے مارے جا رہے ہیں اور قانون کے مطابق سخت کارروائی عمل میں لائی جائے گی۔