اسلام آباد: اسلام آباد پولیس کے ریٹائرڈ سپرنٹنڈنٹ آف پولیس (ایس پی) سید امتیاز علی شاہ ایک المناک ٹریفک حادثے میں اپنی اہلیہ سمیت جاں بحق ہو گئے۔
ذرائع کے مطابق حادثہ اس وقت پیش آیا جب ان کی گاڑی کو شدید حادثہ پیش آیا، جس کے نتیجے میں سید امتیاز علی شاہ اور ان کی اہلیہ موقع پر دم توڑ گئے۔ حادثے میں گاڑی میں سوار مزید چار افراد زخمی ہوئے ہیں، جن میں بعض کی حالت تشویشناک بتائی جا رہی ہے۔
حادثے کی اطلاع ملتے ہی پولیس اور ریسکیو ٹیمیں جائے وقوعہ پر پہنچ گئیں اور زخمیوں کو فوری طور پر قریبی ہسپتال منتقل کر دیا گیا، جہاں انہیں طبی امداد فراہم کی جا رہی ہے۔
سید امتیاز علی شاہ اسلام آباد پولیس کے ایک تجربہ کار اور فرض شناس افسر کے طور پر جانے جاتے تھے۔ ان کے انتقال کی خبر پر پولیس افسران، سابق ساتھیوں اور مختلف سماجی حلقوں کی جانب سے گہرے رنج و غم کا اظہار کیا جا رہا ہے۔
اللہ تعالیٰ مرحومین کی مغفرت فرمائے، درجات بلند کرے اور زخمیوں کو جلد مکمل صحت یابی عطا فرمائے۔ آمین۔
