🚨 لاہور میں غیر ملکی خاتون کے مبینہ اغوا و زیادتی کیس میں اہم پیش رفت، مجسٹریٹ کے سامنے بیان سامنے آ گیا.

لاہور (مانسہرہ ڈاٹ کام)
لاہور کے علاقے ڈیفنس میں غیر ملکی خواتین کے مبینہ اغوا، جنسی زیادتی اور تاوان طلبی کے کیس میں متاثرہ غیر ملکی خاتون اسٹرڈ گیبریلا روبنسن کے مجسٹریٹ کے سامنے ریکارڈ کرائے گئے بیان کا کچھ حصہ منظرِ عام پر آ گیا ہے۔
رپورٹس کے مطابق خاتون نے بیان میں کہا ہے کہ وہ اسپین کی رہائشی ہیں اور پاکستان آمد کے بعد انہیں اور ان کی ساتھی خاتون کو مبینہ طور پر اسلحہ بردار افراد نے یرغمال بنایا۔
بیان کے مطابق ملزمان نے مبینہ طور پر انہیں تشدد کا نشانہ بنایا، رقم اور دیگر قیمتی سامان کے بارے میں معلومات طلب کیں، دھمکیاں دیں اور ان کے ساتھ جنسی زیادتی کی۔
خاتون کے مطابق انہیں جان سے مارنے کی دھمکیاں بھی دی گئیں جبکہ واقعے کے دوران کئی افراد مبینہ طور پر گھر میں موجود تھے۔
پولیس اس سنگین مقدمے کی مختلف پہلوؤں سے تحقیقات کر رہی ہے، جبکہ گرفتار ملزمان کے خلاف قانونی کارروائی جاری ہے۔ متاثرہ خواتین کے بیانات کو بھی تفتیش کا اہم حصہ قرار دیا جا رہا ہے۔
نوٹ: یہ معلومات متاثرہ خاتون کے مجسٹریٹ کے سامنے ریکارڈ کیے گئے بیان اور ابتدائی تفتیش پر مبنی ہیں۔ مقدمے میں عائد الزامات کا حتمی فیصلہ عدالت میں شواہد اور قانونی کارروائی مکمل ہونے کے بعد ہوگا۔