ویتنام جنگ کا آخری باب: غداروں کے لیے امریکی ہیلی کاپٹر کی سیڑھی کا المناک انجام تاریخ کا سبق: غدار کی حیثیت صرف ایک کٹھ پتلی ہوتی ہے.

ہنوئی (خصوصی رپورٹ) – ویتنام کی طویل اور خونریز جنگ میں امریکی فوج کو بُری طرح مار کا سامنا کرنا پڑا اور اسے عبرتناک شکست کے بعد ویتنام سے انخلا پر مجبور ہونا پڑا۔ اس المناک انخلا کے دوران ایک واقعہ تاریخ کا ایک دردناک اور سبق اموز باب بن گیا، جب ویتنامی غداروں کو ان کے امریکی سہاروں نے بے دردی سے ٹھکرا دیا۔
تاریخی ذرائع کے مطابق جب امریکی فوج واپسی کی تیاریاں مکمل کر رہی تھی، تو وہ ویتنامی شہری جنہوں نے اپنی قوم سے غداری کرتے ہوئے امریکی فوج کا ساتھ دیا تھا، اکٹھے ہو گئے اور ان سے درخواست کی کہ انہیں بھی ساتھ لے جایا جائے۔ امریکی فوج نے انہیں یقین دہانی کرائی کہ آخر میں ایک ہیلی کاپٹر آئے گا جو انہیں محفوظ مقام پر منتقل کر دے گا۔
وہ لمحہ جو تاریخ کا حصہ بن گیا
جب امریکی انخلا تقریباً مکمل ہو چکا تھا اور چند باقی رہنے والے امریکی فوجیوں کو لینے کے لیے ایک ہیلی کاپٹر آیا، تو ویتنامی غداروں کو احساس ہو چکا تھا کہ امریکی انہیں بے وقعت سمجھ رہے ہیں اور انہیں ٹشو پیپر کی طرح پھینک کر جائیں گے۔
مایوسی اور خوف کے عالم میں ان غداروں نے زبردستی ہیلی کاپٹر کی سیڑھی پر چڑھنے کی کوشش کی، لیکن امریکی فوجیوں نے بے دردی سے سیڑھی نیچے گرا دی اور ویتنامی غداروں کو اپنی قسمت پر چھوڑ دیا۔ یہ لمحہ نہ صرف ان غداروں کے لیے تباہ کن ثابت ہوا، بلکہ پوری دنیا کو ایک پیغام دیا کہ غدار کی حیثیت ایک کٹھ پتلی سے زیادہ نہیں ہوتی، جسے جب چاہا توڑ دیا جاتا ہے۔
یہ صرف ایک تصویر نہیں، ایک نوشتہ دیوار ہے
یہ تاریخی تصویر آج بھی دنیا کو سبق دیتی ہے کہ جو لوگ اپنی قوم، وطن اور اصولوں سے غداری کرتے ہیں، انہیں بڑی طاقتوں کی نگاہ میں کوئی حیثیت حاصل نہیں ہوتی۔ وہ صرف مفاد کی تکمیل کے لیے استعمال کیے جاتے ہیں اور جب ان کی ضرورت ختم ہو جاتی ہے تو انہیں بے رحمی سے پھینک دیا جاتا ہے۔
تاریخ کا سبق
یہ واقعہ آج بھی ان قوموں کے لیے ایک یاد دہانی ہے جو اپنی خودمختاری، آزادی اور وقار کو بیچ کر غیر قوموں کی خوشامد کرتی ہیں۔ تاریخ گواہ ہے کہ جس قوم کا کوئی فرد اپنی قوم سے غداری کرتا ہے، اس کا انجام ہمیشہ تباہی اور ذلت کے سوا کچھ نہیں ہوتا۔
نوٹ:
یہ تحریر تاریخی حقائق اور دستاویزی شواہد کی روشنی میں پیش کی گئی ہے۔ اس کا مقصد کسی بھی قوم یا فرد کو نشانہ بنانا نہیں، بلکہ تاریخ سے سبق حاصل کرنا ہے۔