پشاور: نجی تعلیمی اداروں کے قوانین میں اصلاحات کیلئے اسپیکر کا اعلیٰ سطحی اجلاس.

پشاور – اسپیکر خیبرپختونخوا اسمبلی بابر سلیم سواتی نے صوبے میں نجی تعلیمی اداروں پر لاگو صوبائی قوانین میں اصلاحات اور بعض مخصوص قانونی شقوں سے استثنیٰ دینے کے معاملے پر ایک اہم اور اعلیٰ سطحی مشاورتی اجلاس طلب کر لیا ہے۔
صوبائی اسمبلی خیبرپختونخوا کی باضابطہ معلومات کے مطابق، یہ اجلاس آج دوپہر 2:00 بجے خیبرپختونخوا اسمبلی سیکریٹریٹ کے کانفرنس روم میں منعقد ہوگا۔
اجلاس کے ایجنڈے میں درج ذیل امور شامل ہیں:
· نجی تعلیمی شعبے کو درپیش قانونی رکاوٹوں کا جائزہ لینا
· صوبائی قوانین میں ترامیم کی تجاویز پر غور کرنا
· پرائیویٹ تعلیمی اداروں کو مخصوص دفعات کے دائرہ کار سے باہر رکھنے (Exclusion) کے امور
اس اجلاس کا بنیادی مقصد صوبے میں نجی شعبے کے ذریعے تعلیم کے فروغ اور ریگولیٹری فریم ورک میں توازن پیدا کرنا ہے، تاکہ نجی تعلیمی اداروں کو درپیش چیلنجز کا حل نکالا جا سکے۔
واضح رہے کہ اسپیکر بابر سلیم سواتی حال ہی میں نوجوانوں کو پارلیمانی نظام سے روشناس کروانے اور تعلیمی امور میں اصلاحات کے حوالے سے سرگرم رہے ہیں۔ انہوں نے اس سے قبل ای ٹی ای اے (ETEA) کو خود مختاری دینے والے بل اور نئے قواعدِ کار کی منظوری میں بھی کلیدی کردار ادا کیا ہے ۔