بٹگرام: ڈپٹی کمشنر بٹگرام اشتیاق احمد کی زیرِ صدارت خسرہ و روبیلا سے بچاؤ کی جاری قومی مہم کے ساتویں روز کا جائزہ اجلاس منعقد ہوا۔ اجلاس میں ڈسٹرکٹ پولیس آفیسر محمد ایاز ، ایڈیشنل ڈپٹی کمشنر ایف اینڈ پی ،اسسٹنٹ کمشنرز،اور باہر سے آئے ہوئے مانیٹرز، محکمہ صحت کے افسران اور متعلقہ محکموں کے نمائندگان نے شرکت کی۔
اجلاس کے دوران مہم کی یومیہ پیش رفت، مقررہ اہداف اور گزشتہ دنوں کا حاصل شدہ نتائج کا تفصیلی جائزہ لیا گیا۔ ڈپٹی کمشنر نے فیلڈ ٹیموں کی کارکردگی پر اطمینان کا اظہار کرتے ہوئے ہدایت کی کہ اسکولوں، کمیونٹی مقامات اور دور دراز علاقوں میں ویکسینیشن عمل کو مزید مؤثر بنایا جائے تاکہ مقررہ اہداف بروقت حاصل کیے جا سکیں۔
ڈپٹی کمشنر نے والدین و سرپرستوں پر زور دیا کہ وہ بچوں کی بروقت ویکسینیشن یقینی بنائیں، تاکہ خسرہ و روبیلا جیسی بیماریوں سے محفوظ، صحت مند معاشرہ تشکیل دیا جا سکے۔
