مانسہرہ : محکمہ تعلیم خیبر پختونخوا نے تمام سرکاری اسکولوں کو ہدایت جاری کی ہے کہ طلبہ کو سرد موسم میں کسی بھی رنگ کا سویٹر اور دستانے پہننے کی اجازت دی جائے۔
ڈائریکٹوریٹ آف ایلیمنٹری اینڈ سیکنڈری ایجوکیشن پشاور کی جانب سے جاری نوٹیفکیشن میں کہا گیا ہے کہ اسکولز کسی بھی طالب علم کو مخصوص رنگ کے سویٹر یا دستانے کا پابند نہ بنائیں۔
نوٹیفکیشن کے مطابق اکثر والدین یونیفارم سے ملتے جلتے نئے گرم کپڑے خریدنے کی استطاعت نہیں رکھتے، لہٰذا یہ فیصلہ طلبہ کو سخت سردی سے محفوظ رکھنے اور والدین پر مالی بوجھ کم کرنے کے لیے کیا گیا ہے۔
