مانسہرہ: مانسہرہ پولیس کا ڈکیتوں / راہزنوں کے ساتھ کامیاب پولیس مقابلہ ، ایک ہلاک ، ایک گرفتار ، اسلحہ برآمد۔
مانسہرہ پولیس کی جرائم پیشہ عناصر کے خلاف کارروائیاں جاری ، ڈکیتی اور راہزنی کی وارداتوں میں ملوث خطرناک ملزمان کے ساتھ فائرنگ کا تبادلہ۔
فائرنگ کے تبادلے میں داتہ کا رہائشی فضل ولد جان محمد ہلاک ، ساتھی ڈکیت ارباز کو گرفتار کرلیا گیا ، اسلحہ بھی برآمد۔ملزمان کے ساتھ وارداتوں میں ملوث شریک ایک دیگر ساتھی کی تلاش کے لیے علاقے میں پولیس کا بھاری نفری کے ہمراہ سرچ آپریشن جاری ہے۔
ڈی پی او مانسہرہ شفیع اللہ گنڈا پور نے پولیس ٹیم کی بروقت اور پیشہ ورانہ کارروائی کو سراہتے ہوئے کہا کہ مانسہرہ پولیس عوام کے جان و مال کے تحفظ کے لیے ہر وقت الرٹ ہے۔
انہوں نے واضح کیا کہ ضلع مانسہرہ میں جرائم پیشہ عناصر، راہزنوں اور سماج دشمن عناصر کے لیے کوئی جگہ نہیں۔قانون شکن عناصر جہاں بھی ہوں گے، انہیں نشانِ عبرت بنا دیا جائے گا۔
