کوہستان اپر！ ڈسٹرکٹ پولیس آفیسر طاہر اقبال کی ہدایت پر ایس ڈی پی او سرکل شتیال کی معززین علاقہ ہربن، شتیال ، ثمر سازین اور شوڑی کے ساتھ امن و آمان کے حوالے سے میٹنگ کی.
میٹنگ میں معززین علاقہ، علماء کرام اور سماجی شخصیات کی شرکت..
میٹنگ میں ایس ایچ او ایس ڈی پی او گوہر وکیل خان نے ملک میں حالیہ دہشت گردی کے واقعات ، امن و امان کی صورتحال اور جرائم پیشہ عناصر کی سرگرمیوں کے بارے میں تفصیلی بریفنگ دی۔
ایس ایچ او نے اس موقع پر کہا کہ موجودہ حالات میں امن و آمان کو برقرار رکھنے کیلے عوام اور پولیس کے درمیان قریبی رابطہ اور باہمی تعاون انتہائی ضروری ہے تاکہ معاشرے کو دہشت گردی، منشیات فروشی، چوری، ڈکیتی اور دیگر سماجی برائیوں سے محفوظ رکھا جا سکے۔
میٹنگ کے شرکا نے پولیس کی کوششوں کو سراہا اور یقین دہانی کرائی کہ وہ ہر مشکل گھڑی میں پولیس کے شانہ بشانہ کھڑے ہیں اور اس حوالے سے اپنے اپنے علاقے میں ایک کمیٹی تشکیل دینگے جو علاقہ کو امن کا گہوارہ بنانے کے لیے پولیس کے ساتھ ہر ممکن تعاون کریگی کسی کو بھی علاقے کے امن کو خراب کرنے کی اجازت نہیں دی جائے گی۔
آخر میں ایس ڈی پی او نے تمام شرکاء کا شکریہ ادا کرتے ہوئے کہا کہ پولیس عوام کے تعاون کے بغیر امن قائم نہیں رکھ سکتی، لہٰذا ہر شہری کا فرض ہے کہ مشکوک سرگرمیوں اور افراد کی اطلاع فوری طور پر متعلقہ تھانے کو دیں تاکہ علاقے کو دہشت گردی اور دیگر جرائم سے مکمل طور پر پاک کیا جا سکے۔
