پاکستان
عمران خان کو آنکھوں کے فالو اَپ علاج کے لیے پمز منتقل کیا گیا، اینٹی وی ای جی انجیکشن لگانے کے بعد اڈیالہ جیل واپس روانہ
11-نومبر-2026 — Qazi Jawad
0 تبصرے
31 وزٹ
Read in English
اسلام آباد: پاکستان تحریک انصاف (پی ٹی آئی) کے بانی اور سابق وزیراعظم عمران خان کو آنکھوں کے طبی معائنے اور فالو اَپ علاج کے لیے اڈیالہ جیل سے پاکستان انسٹیٹیوٹ آف میڈیکل سائنسز (پمز) اسلام آباد منتقل کیا گیا، جہاں ماہرینِ امراضِ چشم نے ان کا تفصیلی معائنہ کرنے کے بعد تجویز کردہ طبی علاج مکمل کیا۔
پمز انتظامیہ کے مطابق عمران خان کو 10 اور 11 نومبر 2026ء کی درمیانی شب معالجین کے مشورے پر ہسپتال لایا گیا۔ علاج شروع کرنے سے قبل ان کا مکمل طبی معائنہ کیا گیا، جس میں بلڈ پریشر، نبض سمیت دیگر اہم طبی علامات (وائٹلز) معمول کے مطابق پائی گئیں، جبکہ ان کی مجموعی جسمانی حالت بھی مستحکم قرار دی گئی۔
انتظامیہ کے مطابق ماہرین پر مشتمل میڈیکل ٹیم نے تمام ضروری طبی ضوابط اور احتیاطی تدابیر کو مدنظر رکھتے ہوئے ان کی متاثرہ آنکھ میں اینٹی وی ای جی (Anti-VEGF) انجیکشن لگایا۔ علاج کے عمل سے قبل، دوران اور بعد میں ان کی طبی حالت تسلی بخش رہی اور کسی غیر معمولی صورتحال کی اطلاع نہیں دی گئی۔
پمز انتظامیہ کا کہنا ہے کہ طبی عمل مکمل ہونے کے بعد عمران خان کو ضروری طبی ہدایات اور فالو اَپ سے متعلق مشورے دیے گئے، جس کے بعد انہیں رات تقریباً ڈھائی بجے ہسپتال سے واپس اڈیالہ جیل منتقل کر دیا گیا۔
واضح رہے کہ عمران خان میں رواں سال جنوری کے اواخر میں آنکھوں کی بیماری سینٹرل ریٹینل وین اوکلوژن (Central Retinal Vein Occlusion) کی تشخیص ہوئی تھی، جس کے بعد سے وہ مسلسل طبی نگرانی اور علاج کے مراحل سے گزر رہے ہیں۔
اس سے قبل بھی سپریم کورٹ کی ہدایات اور طبی بورڈ کی سفارشات کی روشنی میں ان کے مختلف طبی معائنے اور علاج کیے جاتے رہے ہیں۔
پمز انتظامیہ کے مطابق عمران خان کو 10 اور 11 نومبر 2026ء کی درمیانی شب معالجین کے مشورے پر ہسپتال لایا گیا۔ علاج شروع کرنے سے قبل ان کا مکمل طبی معائنہ کیا گیا، جس میں بلڈ پریشر، نبض سمیت دیگر اہم طبی علامات (وائٹلز) معمول کے مطابق پائی گئیں، جبکہ ان کی مجموعی جسمانی حالت بھی مستحکم قرار دی گئی۔
انتظامیہ کے مطابق ماہرین پر مشتمل میڈیکل ٹیم نے تمام ضروری طبی ضوابط اور احتیاطی تدابیر کو مدنظر رکھتے ہوئے ان کی متاثرہ آنکھ میں اینٹی وی ای جی (Anti-VEGF) انجیکشن لگایا۔ علاج کے عمل سے قبل، دوران اور بعد میں ان کی طبی حالت تسلی بخش رہی اور کسی غیر معمولی صورتحال کی اطلاع نہیں دی گئی۔
پمز انتظامیہ کا کہنا ہے کہ طبی عمل مکمل ہونے کے بعد عمران خان کو ضروری طبی ہدایات اور فالو اَپ سے متعلق مشورے دیے گئے، جس کے بعد انہیں رات تقریباً ڈھائی بجے ہسپتال سے واپس اڈیالہ جیل منتقل کر دیا گیا۔
واضح رہے کہ عمران خان میں رواں سال جنوری کے اواخر میں آنکھوں کی بیماری سینٹرل ریٹینل وین اوکلوژن (Central Retinal Vein Occlusion) کی تشخیص ہوئی تھی، جس کے بعد سے وہ مسلسل طبی نگرانی اور علاج کے مراحل سے گزر رہے ہیں۔
اس سے قبل بھی سپریم کورٹ کی ہدایات اور طبی بورڈ کی سفارشات کی روشنی میں ان کے مختلف طبی معائنے اور علاج کیے جاتے رہے ہیں۔
تبصرے (0)
ابھی کوئی تبصرہ موجود نہیں — پہلا تبصرہ آپ کریں۔
تبصرہ کریں