ٹریفک حادثہ
.غذر: یاسین میں مسافر گاڑی دریائے یاسین میں جاگری، خواتین سمیت 9 افراد جاں بحق
13-نومبر-2026 — Qazi Jawad
0 تبصرے
34 وزٹ
Read in English
غذر: گلگت بلتستان کے ضلع غذر کی وادی یاسین میں مرکہ یاسین کے مقام پر ایک افسوسناک ٹریفک حادثہ پیش آیا، جہاں گلگت سے بندور یاسین جانے والی مسافر گاڑی دریائے یاسین میں جاگری۔ حادثے کے نتیجے میں ابتدائی اطلاعات کے مطابق 9 افراد جاں بحق ہوگئے، جن میں 3 خواتین بھی شامل ہیں۔
اطلاعات کے مطابق گاڑی نمبر غذر 247 کو ڈرائیور عادل ولد لالاکو چلا رہے تھے۔ گاڑی میں مجموعی طور پر 15 افراد سوار تھے کہ مرکہ کے مقام پر حادثے کا شکار ہو کر دریا میں جاگری۔
ریسکیو اہلکاروں اور مقامی رضاکاروں نے اطلاع ملتے ہی امدادی کارروائیاں شروع کر دیں۔ ابتدائی اطلاعات کے مطابق 9 افراد کی لاشیں دریا سے نکال لی گئی ہیں، جبکہ زخمیوں کو ریسکیو کرکے ابتدائی طبی امداد کے لیے آغا خان اسپتال یاسین منتقل کیا گیا۔ جاں بحق افراد کی میتیں سول اسپتال طاؤس منتقل کیے جانے کی اطلاع ہے۔
حادثے کے بعد علاقے میں امدادی سرگرمیاں جاری ہیں، جبکہ لاپتا مسافروں کی تلاش کے لیے ریسکیو آپریشن بھی جاری رکھا گیا ہے۔ مختلف اطلاعات میں زخمیوں کی تعداد دو اور پانچ بتائی جا رہی ہے، تاہم حتمی تعداد کی تصدیق متعلقہ حکام کی جانب سے ہونا باقی ہے۔
ٹھٹھرتی سردی میں دریائے یاسین کے سرد پانیوں میں امدادی کارروائیاں کرنے والے ریسکیو اہلکاروں اور مقامی رضاکاروں کو سلام۔ یہ وہ لوگ ہیں جو اپنی جان کی پروا کیے بغیر مشکل ترین حالات میں دوسروں کی جان بچانے کے لیے میدانِ عمل میں موجود ہیں۔
اللہ تعالیٰ جاں بحق افراد کی مغفرت فرمائے، لواحقین کو صبرِ جمیل عطا کرے اور زخمیوں کو جلد صحت یابی نصیب فرمائے۔ آمین۔
اطلاعات کے مطابق گاڑی نمبر غذر 247 کو ڈرائیور عادل ولد لالاکو چلا رہے تھے۔ گاڑی میں مجموعی طور پر 15 افراد سوار تھے کہ مرکہ کے مقام پر حادثے کا شکار ہو کر دریا میں جاگری۔
ریسکیو اہلکاروں اور مقامی رضاکاروں نے اطلاع ملتے ہی امدادی کارروائیاں شروع کر دیں۔ ابتدائی اطلاعات کے مطابق 9 افراد کی لاشیں دریا سے نکال لی گئی ہیں، جبکہ زخمیوں کو ریسکیو کرکے ابتدائی طبی امداد کے لیے آغا خان اسپتال یاسین منتقل کیا گیا۔ جاں بحق افراد کی میتیں سول اسپتال طاؤس منتقل کیے جانے کی اطلاع ہے۔
حادثے کے بعد علاقے میں امدادی سرگرمیاں جاری ہیں، جبکہ لاپتا مسافروں کی تلاش کے لیے ریسکیو آپریشن بھی جاری رکھا گیا ہے۔ مختلف اطلاعات میں زخمیوں کی تعداد دو اور پانچ بتائی جا رہی ہے، تاہم حتمی تعداد کی تصدیق متعلقہ حکام کی جانب سے ہونا باقی ہے۔
ٹھٹھرتی سردی میں دریائے یاسین کے سرد پانیوں میں امدادی کارروائیاں کرنے والے ریسکیو اہلکاروں اور مقامی رضاکاروں کو سلام۔ یہ وہ لوگ ہیں جو اپنی جان کی پروا کیے بغیر مشکل ترین حالات میں دوسروں کی جان بچانے کے لیے میدانِ عمل میں موجود ہیں۔
اللہ تعالیٰ جاں بحق افراد کی مغفرت فرمائے، لواحقین کو صبرِ جمیل عطا کرے اور زخمیوں کو جلد صحت یابی نصیب فرمائے۔ آمین۔
تبصرے (0)
ابھی کوئی تبصرہ موجود نہیں — پہلا تبصرہ آپ کریں۔
تبصرہ کریں