🚨 بٹگرام: پیٹرول پمپوں کی چیکنگ، اوورچارجنگ اور کم پیمائش پر سخت وارننگ 🚨

صوبائی حکومت کی واضح ہدایات کی روشنی میں ایڈیشنل ڈپٹی کمشنر بٹگرام، ضیاء الرحمن نے ایڈیشنل اسسٹنٹ کمشنر سید احمد جمال شاہ کے ہمراہ ضلع بھر کے مختلف پیٹرول پمپوں کا اچانک دورہ کیا۔ اس موقع پر پٹرولیم مصنوعات کی دستیابی، سرکاری نرخوں پر عملدرآمد اور پیمائش کے نظام کا تفصیلی جائزہ لیا گیا۔
معائنے کے دوران افسران نے پمپ مشینوں کی باریک بینی سے جانچ پڑتال کی اور اس بات کو یقینی بنایا کہ عوام کو مکمل اور درست مقدار میں پٹرول فراہم کیا جا رہا ہے۔ کئی پمپوں پر ریکارڈ بھی چیک کیا گیا جبکہ عملے سے نرخ ناموں کی نمائش اور حکومتی ہدایات پر عملدرآمد کے حوالے سے پوچھ گچھ کی گئی۔
ایڈیشنل ڈپٹی کمشنر نے پمپ مالکان کو سختی سے ہدایت جاری کی کہ:
سرکاری مقررہ نرخوں کی مکمل پابندی کی جائے
پیمائش میں کسی قسم کی کمی بیشی ہرگز نہ ہو
نرخ نامہ نمایاں جگہ پر آویزاں کیا جائے
مصنوعی قلت یا ذخیرہ اندوزی سے مکمل اجتناب کیا جائے
انہوں نے واضح کیا کہ کسی بھی قسم کی خلاف ورزی، اوورچارجنگ یا کم پیمائش کی صورت میں ذمہ داران کے خلاف سخت قانونی کارروائی عمل میں لائی جائے گی، جس میں جرمانے اور پمپ سیل کرنا بھی شامل ہو سکتا ہے۔
اس موقع پر انہوں نے مزید کہا کہ عوام کو ریلیف فراہم کرنا ضلعی انتظامیہ کی اولین ترجیح ہے اور اس سلسلے میں کسی قسم کی غفلت یا لاپرواہی ہرگز برداشت نہیں کی جائے گی۔ انہوں نے شہریوں سے بھی اپیل کی کہ وہ کسی بھی شکایت کی صورت میں فوری طور پر ضلعی انتظامیہ سے رابطہ کریں تاکہ بروقت کارروائی ممکن بنائی جا سکے۔



📢 عوامی مفاد میں جاری کردہ آگاہی پیغام