🚨 بینک آف خیبر کے ایم ڈی کی مبینہ جعلی ڈگری کا معاملہ، لاکھوں روپے تنخواہ اور مراعات لینے کا انکشاف.

پشاور (مانسہرہ ڈاٹ کام)
خیبر پختونخوا کے سرکاری مالیاتی ادارے بینک آف خیبر کے مینیجنگ ڈائریکٹر حسن رضا سے متعلق مبینہ جعلی ڈگری کا معاملہ سامنے آنے کے بعد نئی بحث چھڑ گئی ہے۔
اطلاعات کے مطابق حسن رضا پر مبینہ طور پر جعلی ڈگری کی بنیاد پر 53 لاکھ روپے تنخواہ اور 7 لاکھ روپے دیگر مراعات حاصل کرنے کا الزام سامنے آیا ہے، جس کے بعد معاملے کی شفاف تحقیقات کا مطالبہ زور پکڑ گیا ہے۔
اس معاملے پر مختلف حلقوں کی جانب سے مطالبہ کیا جا رہا ہے کہ الزامات کی مکمل، غیر جانبدار اور شفاف تحقیقات کرائی جائیں تاکہ حقائق عوام کے سامنے لائے جا سکیں اور اگر کوئی بے ضابطگی ثابت ہو تو قانون کے مطابق کارروائی عمل میں لائی جائے۔
تاحال بینک آف خیبر یا متعلقہ حکام کی جانب سے اس معاملے پر باضابطہ مؤقف سامنے نہیں آیا۔
نوٹ: مذکورہ الزامات ابتدائی اطلاعات پر مبنی ہیں۔ ان کی تصدیق یا تردید متعلقہ تحقیقاتی اداروں اور حکام کی رپورٹ یا سرکاری مؤقف کے بعد ہی ممکن ہوگی۔